Festival svizzer dal film da giuvenils

Atun 2012: collavuraziun cun il Festival svizzer dal film da giuvenils

Il Festival svizzer dal film da giuvenils porscha mintga atun workshops gratuits da filmar per scolas e gruppas da giuvenils da tut la Svizra. Ils workshops èn mintgamai deditgads ad in tema definì, il 2010 è quai stà "lavur voluntara", il 2011 "energia". Als workshops dal 2012 che tematiseschan las quatter regiuns linguisticas collavura cun get-together il Festival svizzer dal film da giuvenils. Il tema uffizial dals workshops è "1 | 4 | 24 – in pajais, quatter regiuns linguisticas, tes film". Ils workshops tematics vegnan sviluppads e realisads da get-together ed han lieu l'atun 2012. Ina schelta dals films realisads vegn preschentada al Festival svizzer dal film da giuvenils l'avrigl 2013 (10.-14.4.2013).

"Vi da quest project ans plascha surtut che el vegn realisà da giuvenils per giuvenils. Cun questa midada da perspectiva sperain nus ch’i dettia era novas vias per la chapientscha vicendaivla. Perquai ans para quest project interessant e degn da vegnir sustegnì."

David Vitali, Uffizi federal da cultura